Քաղաքի ռազմական վարչակազմի ղեկավար Սերգեյ Լիսակի խոսքով՝ ապրիլի 11-ի գիշերը Օդեսայի վրա ռուսական ուժերի կողմից հասցված հարվածների հետևանքով զոհվել է երկու մարդ, ևս երկուսը՝ վիրավորվել։
Պաշտոնյայի խոսքով՝ հարված է հասցվել քաղաքացիական ենթակառուցվածքներին, այդ թվում՝ տասնյակ մասնավոր և բնակելի շենքերի, հանրակացարանի, մանկապարտեզի և սննդի կետերի։ Վնասվել է նաև ենթակառուցվածքը։
Ուկրաինայի արտակարգ իրավիճակների պետական ծառայությունը հայտնում է, որ ռուսական անօդաչու թռչող սարքերի հարվածների հետևանքով առաջացած հրդեհը մարելուց հետո մասնավոր տանը հայտնաբերվել է երկու մահացած։
Ուկրաինայի ռազմաօդային ուժերի հրամանատարությունը հայտնում է, որ ապրիլի 11-ի գիշերը ռուսական ուժերը հարձակվել են Ուկրաինայի վրա 160 գրոհային անօդաչու թռչող սարքերով։ Ուկրաինայի հակաօդային պաշտպանության ուժերը խոցել կամ ճնշել են 133 անօդաչու թռչող սարք։ «Արձանագրվել է 20 հարվածային ԱԹՍ-ի հարված 10 տեղանքում, ինչպես նաեւ խոցված բեկորների անկում 11 տեղանքում», — ասված է Ուկրաինայի զինված ուժերի հայտարարության մեջ: