ԱՄՆ-ի առաջին տիկին Մելանյա Թրամփը հերքել է Ջեֆրի Էփշտեյնի հետ կապ ունենալու և նրա սեռական հանցագործությունների մասին տեղյակ լինելու մեղադրանքները։
Սպիտակ տանը նա ասել է, որ «այդ պատմությունները լիովին կեղծ են» և իր դեմ հնչող մեղադրանքները «սուտ լուրեր են իմ հասցեին»։
«Սուտը, որ ինձ կապում է ամոթալի Ջեֆրի Էփշտեյնի հետ, այսօր պետք է ավարտվի»,- ասել է Մելանիա Թրամփը։ «Իմ մասին սուտ խոսող մարդիկ զուրկ են էթիկայից, խոնարհությունից և հարգանքից։ Ես չեմ առարկում նրանց անտեղյակության դեմ, բայց մերժում եմ նրանց չարամիտ փորձերը՝ խաթարելու իմ հեղինակությունը»։
Այս անսպասելի հայտարարությունը հնչել է այն ժամանակ, երբ նրա ամուսինը՝ նախագահ Դոնալդ Թրամփը և նրա վարչակազմը, կարծես թե վերջապես հաղթահարել էին ավելի քան մեկ տարի տևող Էփշտեյնի շուրջ սկանդալը, հատկապես որ Իրանի դեմ պատերազմը լիովին գրավել էր Վաշինգտոնի ուշադրությունը։