Պլեխանովի անվան Ռուսաստանի տնտեսագիտական համալսարանի Երևանի մասնաճյուղում մեծ շուքով նշվեց Ապրիլի 7-ը՝ ամենագեղեցիկ և լուսավոր տոներից մեկը՝ Մայրության և գեղեցկության օրը։ Միջոցառումը նախաձեռնել են քոլեջի ուսանողները՝ հայոց լեզվի և գրականության դասախոս Արև Խաչատրյանի ղեկավարությամբ։
Միջոցառումը սկսվեց ուսանողների և իրենց մայրիկների համատեղ լուսանկարների հուզիչ հոլովակով:
Ուսանողները իրենց ելույթներում անդրադարձան մոր անփոխարինելի դերին հայ մշակույթում՝ ընդգծելով նրա կարևորությունը թե՛ ընտանիքում, թե՛ ազգային արժեքների փոխանցման գործում։
Իր տպավորիչ ելույթով հուզեց 1-ին կուրսի ուսանող Առնո Վարդանյանը՝ գովաբանելով մայրությունը, գեղեցկությունը և ուժը:
Յուրօրինակ և անզուգական էր ուսանողուհիներից մեկի հարվածային գործիքով ելույթը:
Ուսանողներն իրենց շնորհավորական և շնորհակալական խոսքերն ասացին՝ ուղղված օրվա հերոսներին:
Նրանց խոսքով` այս օրը ևս մեկ առիթ է շնորհակալություն հայտնելու դասախոսական անձնակազմի կանանց և իրենց մայրերին՝ նրանց անսահման սիրո, ջերմության և նվիրվածության համար, որոնց շնորհիվ ձևավորվում է ապագա սերունդը։