ԱՄՆ փոխնախագահ Ջ.Դ. Վենսը կարող է մասնակցել Իրանի ներկայացուցիչների հետ հնարավոր ուղիղ բանակցություններին։ Այս մասին հայտնել է Politico-ն՝ հղում անելով աղբյուրներին։
Ըստ նրանց տեղեկությունների՝ Վենսը ներկայումս մնում է սպասման ռեժիմում և պատրաստ է Իրանի հետ զգայուն բանակցություններ վարել, եթե կուլիսներում տեղի ունեցող շփումները հանգեցնեն Իրանի ղեկավարության ներկայացուցիչների հետ անձնական հանդիպմանը:
Նշվում է, որ ԱՄՆ նախագահի հատուկ դեսպանորդ Սթիվ Վիտկոֆը և Ջարեդ Քուշները ներկայումս շփումներ են վարում Թեհրանի հետ։ Վենսը կարող է միանալ բանակցություններին, եթե նրանք զգալի առաջընթացի հասնեն։