Անժելա Սարաֆյանը՝ լավագույն դերասանուհի, վերսկսվել են Կապան-Երևան թռիչքները, բացվել է Հովհաննես Չեքիջյանի անվանատախտակը. շաբաթվա լավ լուրերը

ԵՐԵՎԱՆ, 4 ապրիլ․/Նովոստի-Արմենիա/․ Ներկայացնում ենք նախորդ շաբաթվա (մարտի 30–ապրիլի 3-ը) լավ լուրերի ընտրանին։

Այսպես.

Երևանում բացվել է դիրիժոր, Հայաստանի ազգային ակադեմիական երգչախմբի ղեկավար Հովհաննես Չեքիջյանի անվանատախտակը։

Մարտի 31-ից վերսկսվել են Կապան–Երևան–Կապան թռիչքները։

Ա. Սպենդիարյանի անվան օպերայի և բալետի ազգային ակադեմիական թատրոնը դարձել է Opera Europa միջազգային հեղինակավոր կազմակերպության անդամ։

Ամերիկահայ հայտնի դերասանուհի Անժելա Սարաֆյանն արժանացել է լավագույն դերասանուհու մրցանակին Իսպանիայում կայացած Մալագայի կինոփառատոնում։

Ապրիլի 1-ին՝ Ծիծաղի միջազգային օրը, «Նովոստի-Արմենիա»-ն առանձնացրել է պատմության ամենաաղմկահարույց մեդիա-խաբեությունները, որոնք ապացուցում են՝ երբեմն լավ մտածված կատակը նույնպես կարող է լինել համոզիչ։

Յոթ հայ շախմատիստներ ընդգրկվել են ՖԻԴԵ-ի ապրիլյան վարկանիշային աղյուսակների տարբեր անվանակարգերի լավագույն հարյուրյակում։

Հայ մարզուհի Ալեքսանդրա Գրիգորյանն առաջադրվել է «Եվրոպայի 2025 թվականի լավագույն ծանրորդ» կոչմանը։

Հայաստանի ներկայացուցիչները ՌԴ Սոչի քաղաքում անցկացված հաշմանդամային սպորտի «Իմպուլս» միջազգային փառատոնում նվաճել են 4 ոսկե և 1 արծաթե մեդալ։

Երևանը կվերածվի մարզադաշտի․ ապրիլի 6–ին սպորտը կմիավորի բոլորին։

Վարազդատ Լալայանը և Ալեքսանդրա Գրիգորյանն առաջադրվել են Ծանրամարտի եվրոպական ֆեդերացիայի 2025 թ.-ի լավագույն մարզիկների անվանակարգերում։