ԱՄՆ հատուկ նշանակության ուժերն Իրանում գործողություն են սկսել՝ ամերիկյան կործանված F-15-ի օդաչուին փրկելու համար, հաղորդում է The Telegraph-ը։
Անձնակազմի անդամներին հաջողվել է դուրս նետվել ինքնաթիռից։ Նրանցից մեկը փրկվել է ամերիկյան երկու ռազմական ուղղաթիռի և վառելիքով լիցքավորվող ինքնաթիռի մասնակցությամբ գործողության ժամանակ։ Երկու ուղղաթիռն էլ հարված են ստացել իրանական ուժերի կողմից, բայց կարողացել են անվտանգ վայրէջք կատարել։ Իրանական լրատվամիջոցները հեռարձակել են օդաչուի որոնումների տեսանյութը և առաջարկել 60 000 դոլար պարգևատրում նրան գտնելու համար։
Իրանական Tasnim լրատվական գործակալությունը, հղում անելով Կոհգիլույե և Բոյեր-Ահմադ արևմտյան նահանգների աղբյուրներին, հաղորդում է, որ ԱՄՆ-ի որոնողական գործողություններին մասնակցել են «Սև բազե» ուղղաթիռներ և C-130 Հերկուլես ինքնաթիռ, սակայն նրանց ջանքերը մինչ այժմ անհաջող էին:
Հաշվի առնելով այս միջադեպով ԱՄՆ-ի հեղինակությանը հասցված վնասը՝ հնարավոր է, որ առաջիկա ժամերին մեկ այլ անձ նույնականացվի որպես «փրկված օդաչու», գրում է գործակալությունը։ Tasnim-ը տեղեկացրել է նաև, որ խփված ինքնաթիռը F-35 էր կամ F-16։
Ապրիլի 3-ին Իրանի զինված ուժերը խոցել էին ամերիկյան երկու ռազմական ինքնաթիռ, որոնցից մեկը կործանվել էր երկրի հարավ-արևմտյան մասում, իսկ մյուսը՝ Հորմուզի նեղուցի մոտ։ ԱՄՆ-ն հայտարարել էր անձնակազմի փրկարարական հատուկ գործողության մեկնարկի մասին։
