ԱՄՆ նախագահ Դոնալդ Թրամփը ապրիլի 3-ին հայտարարել է, որ Միացյալ Նահանգներն կարող է վերացնել Հորմուզի նեղուցի շրջափակումը և վերահսկողություն ստանալ Իրանի նավթի նկատմամբ:
«Եթե մենք ունենանք մի փոքր ավելի շատ ժամանակ, մենք հեշտությամբ կարող ենք բացել Հորմուզի նեղուցը, վերցնել նավթը, մեծ հարստություն վաստակել: Սա հզոր նավթային շատրվանի արտանետում չի՞ լինի աշխարհի համար», – գրել է նա Truth Social սոցիալական ցանցում:
Սպիտակ տան ղեկավարը մարտի վերջին հայտարարել էր, որ ցանկանում է տիրանալ իրանական նավթին և քննարկում է Խարգ կղզու գրավման հնարավորությունը:
Brent հում նավթի գինն ապրիլի 2-ին բարձրացել է մինչև մեկ բարելի համար 141,36 դոլար՝ գրանցելով 2008 թվականի ֆինանսական ճգնաժամից ի վեր ամենաբարձր ցուցանիշը։
ԱՄՆ-ն ու Իսրայելը փետրվարի 28-ին լայնածավալ ռազմական գործողություն էին սկսել Իրանի դեմ: Իրանն ի պատասխան՝ հարվածներ էր հասցրել Իսրայելին և տարածաշրջանի մի շարք երկրներում ԱՄՆ-ի թիրախներին:
