Իրանի հարավում գտնվող Բուշեր նահանգում գտնվող Կարմիր մահիկի ընկերության մասնաճյուղի վրա ավիահարվածի հետևանքով ոչնչացվել են մարդասիրական օգնություն պարունակող կոնտեյներներ, տեղեկացնում է ՏԱՍՍ-ը՝ վկայակոչելով Կարմիր մահիկի հայտարարությունը։
«Հարձակումը տեղի է ունեցել ապրիլի 3-ին՝ ժամանակով 5:00-ին՝ Բուշերի շրջանի Չողադակ շրջանում։ Արդյունքում՝ ոչնչացվել են մարդասիրական օգնություն տեղափոխելու համար օգտագործվող երկու անիվավոր կոնտեյներ, մեկ ավտոբուս և փրկարարական մեքենա»,- ասվում է հայտարարության մեջ։
Իսրայելն ու ԱՄՆ-ն փետրվարի 28-ին հայտարարել էին Իրանի դեմ լայնածավալ մարտական գործողություններ սկսելու մասին: Ի պատասխան՝ Իրանը հայտարարել էր Իսրայելի և տարածաշրջանում ամերիկյան թիրախների դեմ հրթիռային գործողության մեկնարկի մասին: Մարտի 1-ին Իրանը հաստատել էր երկրի Գերագույն հոգևոր առաջնորդ Ալի Խամենեիի մահը: Երկու կողմում էլ զոհերի թիվը ժամ առ ժամ փոխվում է։
ԱՄՆ նախագահ Դոնալդ Թրամփն Իրանին կոչ էր արել գործարքի գնալ, «քանի դեռ շատ ուշ չէ»: Truth Social-ում նա տեսանյութ էր հրապարակել, որտեղ ըստ նրա նկարագրի՝ Իրանի ամենամեծ կամուրջի փլուզումն է ամերիկյան-իսրայելական հարվածների հետևանքով:
