Գերմանիայի արտաքին գործերի նախարարությունը հայտարարել է, որ գերատեսչության ղեկավար Յոհան Վադեֆուլը հեռախոսազրույց է ունեցել Չինաստանի արտգործնախարար Վան Իի հետ՝ քննարկելով Մերձավոր Արևելքում ստեղծված լարված իրավիճակը։
Կողմերը համակարծիք են Հորմուզի նեղուցում նավագնացության ազատության պահպանման հարցում և շեշտել են, որ առանձին պետություններ չպետք է վերահսկեն ծովային ուղիները կամ տուրքեր սահմանեն անցման համար։
Պաշտոնական Բեռլինը կոչ է արել Չինաստանին՝ օգտագործել իր ազդեցությունը Իրանի նկատմամբ՝ վերջինիս մղելու դեպի բանակցային լուծում և դադարեցնելու թշնամական գործողությունները Ծոցի երկրների դեմ։ Գերմանական կողմը հույս է հայտնել, որ երկու տերությունների համատեղ ջանքերը կնպաստեն հակամարտության շուտափույթ կարգավորմանը։