Հեռախոսազրույց են ունեցել Ադրբեջանի և Իրանի ԱԳ նախարարները: Ջեյհուն Բայրամովը և Աբբաս Արաղչին խորը մտահոգություն են հայտնել տարածաշրջանում լարվածության սրման վերաբերյալ։ Այս մասին հայտնել է Ադրբեջանի արտաքին գործերի նախարարության մամուլի ծառայությունը։
«Հեռախոսազրույցի ընթացքում խորը մտահոգություն է հայտնվել տարածաշրջանային իրավիճակի վատթարացման վերաբերյալ։ Ընդգծվել է տարածաշրջանում ռազմական բախումների արագ դադարեցման համար դիվանագիտական ջանքերի ակտիվացման կարևորությունը», – ասվում է հաղորդագրության մեջ։
Արտգործնախարարությունը հավելել է, որ Բայրամովը և Արաղչին քննարկել են նաև երկկողմ հարաբերությունների վիճակը՝ մտքեր փոխանակելով փոխադարձ հետաքրքրություն ներկայացնող հարցերի շուրջ։