Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իրանի ՀՕՊ համակարգերը Սպահանի երկնքում խփել են ամերիկյան MQ-9 Reaper անօդաչու թռչող սարք, հայտարարել է Իսլամական հեղափոխության պահապանների կորպուսը։
«Մի քանի րոպե առաջ Սպահանի երկնքում խփվել և ոչնչացվել է MQ-9 Reaper անօդաչու թռչող սարք», – ասվում է հայտարարության մեջ։
Ըստ տեղեկությունների՝ ամերիկյան անօդաչու թռչող սարքը «խփվել է ԻՀՊԿ-ի նոր առաջադեմ ՀՕՊ համակարգի կողմից, որը գտնվում է երկրի ինտեգրված ՀՕՊ համակարգի վերահսկողության տակ»։
Նախկինում Սպիտակ տան մամուլի քարտուղար Քերոլայն Լևիթը հայտարարել էր, որ ԱՄՆ նախագահ Դոնալդ Թրամփը ցանկանում է համաձայնության գալ Իրանի հետ մինչև ապրիլի 6-ը։
Մարտի 28-ին CBS-ը, հղում անելով տեղեկացված աղբյուրներին, հաղորդել է, որ Սպիտակ տունը զգուշացրել է ԱՄՆ դաշնակիցներին, որ Իրանի հետ համաձայնության հասնելը ժամանակ կպահանջի։ Հեռուստաալիքի աղբյուրների համաձայն՝ Վաշինգտոնը սպասում է, որ հակամարտության ակտիվ փուլը կշարունակվի ևս երկու-չորս շաբաթ։
Հետևեք մեզ՝ այստեղ