Թուրքիայի Անթալիա քաղաքում կայացած Antalya open international championships A դասի միջազգային խոշոր մրցաշարում Հայաստանի հավաքականը նվաճել է երկու մեդալ, հայտնում է Հայաստանի մուայթայի ֆեդերացիան։
Հայաստանի պատանեկան հավաքականի գլխավոր մարզիչ Ալեքսան Աղաբալյանի գլխավորությամբ չեմպիոնի կոչումը նվաճել է Արայիկ Բրուտյանը, որը 52 կգ քաշային կարգի եզրափակչում նոկաուտով հաղթել է Ադրբեջանի ներկայացուցչին։
67 կգ քաշային կարգում Գոռ Հակոբյանը հաղթելով թուրք մարզիկին՝ դուրս էր եկել կիսաեզրափակիչ, որտեղ պարտվել է Բելգիան ներկայացնող մարզիկին ու զբաղեցրել 3-րդ հորիզոնականը։