Մեծ Բրիտանիայում 29-ամյա ակտիվիստ Մեգ Էյվոնը ցանկանում է պաշտոնապես ամուսնանալ գետի հետ։ Այս մասին հայտնում է Mirror-ը։
«Զույգն» այժմ նշում է իրենց հարաբերությունների երրորդ տարեդարձը։ Բրիստոլի բնակչուհին նշում է, որ ինքն ու իր «սիրելին» շարունակում են պահպանել իրենց հարաբերությունները նախկին ռոմանտիկ մակարդակի վրա։
2023 թվականի հունիսի 17-ին տեղի է ունեցել նրանց խորհրդանշական «ամուսնության» արարողությունը։ Այն ժամանակ Մեգը սկսել է կրել իր սիրելիի ազգանունը՝ Էյվոն։ Նրա խոսքով, «ամուսնությունը» թույլ է տվել ուշադրություն հրավիրել բնապահպանական խնդիրների, մասնավորապես՝ ջրի աղտոտման վրա։
«Ես դեռ ժամանակ եմ գտնում ամեն շաբաթ գետում լողալու համար, նույնիսկ ձմռանը, երբ հատկապես անձրևոտ է, ինչը միշտ ավելի ռիսկային է թվում: Բայց ես նվիրված եմ այս գործին, և ջրի մեջ իմ յուրաքանչյուր փորձ իսկական հաճույք է», – նշել է Էյվոնը:
Լրատվամիջոցի տվյալներով՝ Մեգը և նրա էկոակտիվիստների թիմը ցանկանում են, որ գետը անձի կարգավիճակ ստանա, ինչը ոչ միայն կամրապնդի դրա պաշտպանությունը, այլև թույլ կտա զույգին «թարմացնել իրենց երդումները» և «պաշտոնապես ամուսնանալ»։ Սակայն այս նպատակին հասնել դեռ չի հաջողվել, եզրափակել է լրատվամիջոցը։