«Թազա հոդված են «գտել» տղաների համար. 452 հոդվածի պերճանքն ու թշվառությունը.
Փաստաբանները ոստիկանության բաժնում են, որտեղ տղաներին տարել են»,- ֆեյսբուքյան եթերով ասել է փաստաբան Ռուբեն Մելիքյանը՝ անդրադառնալով այսօր Սուրբ Աննա եկեղեցում տեղի ունեցած միջադեպի հետևանքով երկու անձի ձերբակալությանը:
Նա հայտնել է. «Նոր հոդված են հայտնաբերել՝ 452 հոդվածը: Դա պաշտոնատար անձանց ա պաշտպանում՝ օրինական գործունեությանը միջամտելու նպատակով բռնություն: Այս հոդվածն են փորձում կարել տղաների վրա: Մինչև 5 տարիանոց հադված է սա: Եթե այս հոդվածն են դրել, բա Փաշինյանն ի՞նչ գործ ուներ եկեղեցում՝ քաղաքական գործունեություն իրականացնելու համար: Ոստիկանությունը գտնում է, որ եկեղեցում պատարագի ժամանակ կարող է իրականացվե՞լ քաղաքական գործունեություն:
Այս գործին ուշադիր հետևեք, սա շատ կարևոր է: Ես գնահատական չեմ տալիս, բայց որպես հանրության ներկայացուցիչ տեսնելով այս ամեն ինչը, այստեղ հանցավոր որևէ բան չկա»: