Շվեյցարական Nestlé ընկերությունը հայտնել է 12 տոննա կամ 413,793 KitKat շոկոլադե սալիկների գողության մասին, որոնք անհետացել են դրանք տեղափոխող բեռնատարի հետ միասին, փոխանցում է Associated Press-ը։
Գործակալության տվյալներով՝ քաղցրավենիքն անհետացել է Իտալիայի գործարանից Լեհաստան տեղափոխելու ճանապարհին։
Ընկերությունը նշում է, որ գողացված KitKat-ները կարող են վաճառվել ոչ պաշտոնապես։
Այնուամենայնիվ, այս դեպքում դրանց ծագումը դեռևս կարելի է գտնել շտրիխ կոդի միջոցով։ Շոկոլադով պատված վաֆլիներից պատրաստված յուրաքանչյուր սալիկ ունի եզակի շտրիխ կոդ։ Հետևաբար, շտրիխ կոդի սկանավորումը անմիջապես կնշի, որ շտրիխ կոդը գողացված խմբաքանակի մաս է կազմում։ Սկաների վրա կհայտնվի հաղորդագրություն՝ արտադրողին միջադեպի մասին տեղեկացնելու հրահանգներով։
