Երևանի քաղաքապետ Տիգրան Ավինյանը ճեպազրույցի ընթացքում՝ դիմելով լրագրողներին, առաջարկել է իրենց հետ գնալ և շրջել քարոզարշավի ժամանակ։
«Շենգավիթ վարչական շրջանում ենք եղել հիմնականում, մեզ շատ լավ են ընդունել, այն էներգիան, որ ունեինք Երևանում, մենք նույնիսկ այդքան լավ չէինք ակնկալում»,- ասել է նա։
«Կառավարության և քաղաքապետարանի ներկայացուցիչներին մոտեցել են մարդիկ ոչ միայն մեզ գովերգելու համար։ Մեզ գովերգելու համար չպետք է մոտենան, չնայած դա էլ է տեղի ունենում։ Պարզ է, որ իրենց խնդիրներն են բարձրաձայնում, և մենք էլ դրանք լսում ենք»,- նշել է քաղաքապետը՝ հավելելով, որ կուսակցության, քաղաքական ուժի և մարդկանց միջև կապը այդպիսին պետք է լինի։