ԱՄՆ նախագահ Դոնալդ Թրամփը Fox News-ի եթերում հաստատել է, որ Կենտրոնական հետախուզական վարչությունը (ԿՀՎ) զեկուցել է իրեն Իրանի նոր Գերագույն առաջնորդ աայաթոլլա Մոջթաբա Խամենեիի հնարավոր նույնասեռականության մասին։
Այս սենսացիոն հայտարարությունը հաջորդում է New York Post-ի նախնական հրապարակմանը և տեղի է ունենում Իրանում ներիշխանական զգայուն փոփոխությունների ֆոնին։ Թրամփը նշել է, որ նման տեղեկատվությունը կարող է բացասաբար անդրադառնալ Խամենեիի հեղինակության վրա իր իսկ երկրում, որտեղ գործում են խիստ իսլամական օրենքներ և նույնասեռական հարաբերությունների համար նախատեսված է ընդհուպ մինչև մահապատիժ։
Միջազգային վերլուծաբանները սա դիտարկում են որպես Վաշինգտոնի կողմից իրականացվող տեղեկատվական ճնշման նոր փուլ, որն ուղղված է Թեհրանի քաղաքական վերնախավի վարկաբեկմանը և մարդու իրավունքների համատեքստում Իրանի նկատմամբ քննադատության սրմանը։
Իր խոսքում Թրամփը նաև հեգնանքով է արձագանքել արևմտյան այն շարժումներին, որոնք հանդես են գալիս ի պաշտպանություն Պաղեստինի, մասնավորապես՝ «Նույնասեռականները հանուն Պաղեստինի» նախաձեռնությանը։ Նա ընդգծել է այդ մոտեցման հակասականությունը՝ հիշեցնելով, որ մերձավորարևելյան արմատական համակարգերում ԼԳԲՏ+ համայնքի ներկայացուցիչները ենթարկվում են դաժան հետապնդումների և մահապատժի, ինչը նույնիսկ անհնար է դարձնում նրանց գոյատևումն այդ միջավայրում։