Ատոմ Մխիթարյանը իր ֆեյսբուքյան էջում գրում է․
– Օրենքի մշակման փուլում կրթության ու գիտության ոլորտի առաջատար ներկայացուցիչների տասնյակ հիմնավորված առաջարկություններ ամբողջությամբ անտեսվեցին։
-Օրենքի ընդունումից հետո հանրագրով դիմելով Հանրապետության նախագահին՝ պահանջեցինք չստորագրել օրենքը և այն ուղարկել Սահմանադրական դատարան. կամք չգտնվեց։
Օրենքը համակարգային հարված է հասցնում Հայաստանի բարձրագույն կրթության և գիտության ոլորտին.
• խարխլում է գիտության, կրթության և նորարարությունների ոլորտի զարգացման հիմքերը,
• վտանգում է Գիտությունների ազգային ակադեմիայի գոյությունը՝ փաստացի կազմաքանդելով այն,
• արժեզրկում է գիտական աստիճաններն ու կոչումները,
• սահմանափակում է բուհերի ինքնավարությունը և ակադեմիական ազատությունները,
• ստեղծում է պայմաններ՝ փոքր և բոլոր մարզային բուհերի փակման համար։
Այս օրենքն ուղղակի հարված է մեր պետականության հիմքերին, խոչընդոտ՝ զարգացմանը:
Մենք չենք պատրաստվում թույլ տալ։