The Guardian-ը գրում է, որ Ֆիլիպինները հայտարարել է ազգային էներգետիկ արտակարգ իրավիճակ՝ Իրանի պատերազմի հետևանքով առաջացած գլոբալ նավթային ճգնաժամի պատճառով։ Իշխանությունները զգուշացնում են, որ երկրում կա վառելիքի պակասի լուրջ վտանգ, քանի որ Ֆիլիպինները մեծապես կախված են ներմուծվող էներգակիրներից և հատկապես խոցելի են Մերձավոր Արևելքի մատակարարումների խափանումներից։
Արտակարգ դրությունը հնարավորություն է տալիս կառավարությանը արագ քայլեր ձեռնարկել՝ վերահսկելու վառելիքի բաշխումը, պայքարելու կուտակման և գների արհեստական բարձրացման դեմ, ինչպես նաև ապահովելու հիմնական ապրանքների՝ վառելիքի, սննդի և դեղորայքի հասանելիությունը։
Միաժամանակ կառավարությունը փորձում է մեծացնել էներգիայի պաշարները և գտնել նոր մատակարարներ, քանի որ երկրում կա սահմանափակ վառելիքի պահուստ (մոտ մեկուկես ամիս), իսկ նավթի գների աճը արդեն առաջացնում է սոցիալական դժգոհություն և տնտեսական ճնշում։
Հոդվածում նաև նշվում է, որ ճգնաժամի պայմաններում Ֆիլիպինները ավելի շատ հենվելու է ածխի վրա՝ էլեկտրաէներգիա արտադրելու համար, ինչը ցույց է տալիս, թե որքան լուրջ է էներգետիկ իրավիճակը և որքան սահմանափակ են այլընտրանքները։