Ռուսաստանի նախագահ Վլադիմիր Պուտինը ստորագրել է օրենք, ըստ որի՝ երկրի տարածքից վարչական կարգով արտաքսում չի կիրառվի այն օտարերկրացիների նկատմամբ, ովքեր ծառայություն են անցնում Ռուսաստանի Դաշնության զինված ուժերում։
Փաստաթուղթը հրապարակվել է իրավական ակտերի պաշտոնական հարթակում։
Օրենքով սահմանվում է, որ վարչական արտաքսումը չի տարածվում այն օտարերկրյա քաղաքացիների և քաղաքացիություն չունեցող անձանց վրա, որոնք պայմանագրային հիմունքներով ներգրավված են զինվորական ծառայության մեջ և մասնակցել են մարտական գործողություններին՝ զինված ուժերի կամ այլ ռազմական կազմավորումների կազմում։