Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսաստանի Լենինգրադի մարզում ուկրաինական անօդաչուների հարձակման պատճառով «Պուլկովո» օդանավակայանում 85 չվերթ հետաձգվել կամ չեղարկվել է. ևս մեկ օդանավ հաղորդել է աղետի ազդանշանի մասին։ Այս մասին հայտնում է Shot տելեգրամյան ալիքը։
Ըստ ալիքի հաղորդման, անօդաչուների վտանգը հայտարարված է արդեն շուրջ չորս ժամ։ Տարածաշրջանի երկնքում ոչնչացրել են հինգ ուկրաինական դրոն։
Աղետի ազդանշան է տվել «Ռոսիա» ավիաընկերության օդանավը Լենինգրադի մարզի երկնքում։ Հենց հիմա ինքնաթիռը պտտվում է Վսևոլոժսկի շրջանում։ Հստակ պատճառները դեռ հայտնի չեն։
Ըստ ալիքի տվյալների, Միներալնիե Վոդիից Սանկտ Պետերբուրգի օդանավակայան ուղևորվող «Ռոսիա» ավիաընկերության SDM6858 չվերթի օդանավը տվել է աղետի 7700 ազդանշանը, ինչը կարող է նշանակել արտակարգ կամ վթարային իրավիճակ օդանավում։ Airbus A320-214-ը հենց հիմա թռչում է Լենինգրադի մարզի Կիրովսկից մինչև Կոսկովսկոե հատվածում։
Հետևեք մեզ՝ այստեղ