Իսրայելի ոստիկանությունը ձերբակալել է բանակի պահեստազորային Ռազ Քոհենին, որը ծառայել է «Երկաթյա գմբեթ» հակաօդային պաշտպանության համակարգում։ Երուսաղեմի 26-ամյա բնակիչը կասկածվում է Իրանի հետախուզական ծառայությունների հետ գաղտնի կապեր պահպանելու և զգայուն տեղեկատվություն փոխանցելու մեջ։
Ըստ իրավապահ մարմինների՝ Քոհենը մի քանի ամիս շարունակ հրահանգներ է ստացել իրանցի գործակալներից և իրականացրել անվտանգությանն առնչվող տարբեր հանձնարարություններ։
Երկրի քննչական մարմինները շարունակում են պարզել փոխանցված տեղեկությունների ծավալը և հնարավոր այլ մասնակիցների ինքնությունը։