Քաղաքագետ Գարիկ Քեռյանի ֆեյսբուքյան գրառումը. «Ուկրաինական պատերազմի առաջին գլոբալ քաղաքական հետևանքը Հավաքական Արևմուտքի ճեղքումն էր: ԱՄՆ և Եվրոպական Միության միջև այսօր անդունդ կա: Երկրորդ ճեղքումը Եվրոպական Միության ներսում էր, երբ Հունգարիան և Սլովակիան արգելափակեցին Կիևի համար նախատեսնվող 90 մլրդ օգնությունը: Օրբանը և Ֆիցոն բրյուսելյան բյուրոկրատիայի գործելակերպը ենթարկում են անողոք քննադատության: Երրորդ ճեղքումը հասավ ՆԱՏՕ: Այս դաշինքն այսօր ձերբազատվեց Իրանի դեմ պատերազմից. «սա մեր պատերազմը չէ»․ ասում են Մակրոնը, Մերցը, Սթարմերը, Մելոնին և մյուս պետական ղեկավարները: Թրամփը հիասթափված է և խոսում է դաշինքի իմաստազրկման մասին: Եթե սրան էլ գումարենք Գրենլանդիայի պաշտպանության համար ռազմական միջոցառումները «ամերիկյան ներխուժման դեմն առնելու» կարգախոսով, ինձ թվում է, որ այս բևեռի մասին կարծիք հայտնելիս կարելի է լուրջ ընկճախտի մեջ ընկնել: Ի դեպ, նախորդ դարի 50-ական թթ. սկսած, առաջին անգամ է, որ բրիտանական արտաքին քաղաքական վեկտորը հեռանում է ամերիկյան շահերի ընդհարությունից: Թրամփը առանձնակի հիասթափված է Լոնդոնի այս վարքագծից: Մեր փորձանքագետները դեռ հույս ունեն, որ «запад нам поможет», ինչպես կասեր հայտնի կինոֆիլմի հերոսը»: