Միացյալ Նահանգները նախապես տեղյակ չէր Իսրայելի կողմից Իրանի Հարավային Պարս գազային հանքավայրի վրա հարձակման մասին։
ԱՄՆ նախագահ Դոնալդ Թրամփը այս մասին գրել է TruthSocial սոցիալական ցանցում։
«Մերձավոր Արևելքում տեղի ունեցող իրադարձությունների նկատմամբ զայրույթից մղված Իսրայելը հզոր հարված հասցրեց խոշոր օբյեկտին՝ Իրանի Հարավային Պարս գազային հանքավայրին։ Հարված է հասցվել ամբողջ համալիրի համեմատաբար փոքր մասին։ Միացյալ Նահանգները տեղյակ չէր այս հարձակման մասին, և Կատարը ոչ մի կերպ ներգրավված չէր դրանում կամ որևէ տեղեկություն չուներ սպասվող հարվածի մասին», – նշել է նա։
Թրամփը նաև նշել է, որ Իրանը հակադարձեց՝ անհամաչափ հարված հասցնելով Կատարի հեղուկացված բնական գազի օբյեկտին։
«Իսրայելն այլևս չի հարվածի այս կարևորագույն Հարավային Պարս հանքավայրին, եթե Իրանը չորոշի հարձակվել Կատարի վրա, որը լիովին անմեղ է։ Հակառակ դեպքում, Միացյալ Նահանգները՝ Իսրայելի օգնությամբ և համաձայնությամբ կամ առանց դրա, ամբողջությամբ կոչնչացնի ամբողջ Հարավային Պարս հանքավայրը», – ընդգծեց Սպիտակ տան ղեկավարը։