Վրաստանում ազգային սուգ է հայտարարվել

Վրացական պատրիարքարանի հայտարարության համաձայն, Իլիա II-ի աճյունով դագաղը մարտի 18-ին կտեղադրվի Թբիլիսիի Սուրբ Երրորդության տաճարում՝ հրաժեշտի արարողության համար։

Ամենայն Վրաստանի կաթողիկոս-պատրիարք Իլիա II-ը մահացել է 93 տարեկան հասակում։

Իլիա II-ը (աշխարհիկ անունը՝ Իրակլի Գեորգիևիչ Գուդուշաուրի-Շիոլաշվիլի) ծնվել է 1933 թվականի հունվարի 4-ին, Հյուսիսային Օսիայի Օրջոնիկիձե քաղաքում։ Ավարտել է Մոսկվայի աստվածաբանական ակադեմիան։

1977 թվականի դեկտեմբերի 23-ին, Թբիլիսիի Սիոնի տաճարում կայացած XII եկեղեցական ժողովում, Իլիա II-ը միաձայն ընտրվել է կաթողիկոս-պատրիարք։ Նույն թվականի դեկտեմբերի 25-ին նրա գահակալությունը տեղի է ունեցել Մցխեթայի Սվետիցխովելի տաճարում։