ԱՄՆ ֆինանսների նախարար Սքոթ Բեսենթը հայտարարել է, որ Փարիզում կայացած բանակցությունները անկեղծ և կառուցողական մթնոլորտում են անցել։
«Նախագահի Պեկին կատարելիք այցից առաջ ԱՄՆ առևտրային ներկայացուցիչ Ջեյմիսոն Գրիրը և ես հանդիպեցինք Չինաստանի փոխվարչապետ Հե Լիֆենգի հետ՝ քննարկելու փոխադարձ հետաքրքրություն ներկայացնող հարցեր։ Բանակցությունները անկեղծ և կառուցողական էին, և մենք լավ ճանապարհի վրա ենք դեպի նախագահ Թրամփի և գլխավոր քարտուղար Սիի միջև հաջորդ հանդիպումը։ Մեր քննարկումների ընթացքում մենք անդրադարձանք մեր հարաբերություններում կայունությունն ապահովելու մի շարք առաջնահերթ հարցերի, այդ թվում՝ երկկողմ առևտրի կառավարմանը և ԱՄՆ շուկա մուտք գործելու ընդլայնմանը», – գրել է ԱՄՆ ֆինանսների նախարարը X-ի իր էջում։