12 մարտի 2026 – 12:32 AMT
PanARMENIAN.Net – ԵԺԿ-ն պատրաստ է այսուհետ նույնպես քննարկել Հայաստանին և տարածաշրջանին առնչվող հարցերը, քանի որ Հայաստանը դիտարկվում է որպես Եվրոպայի մաս: Այդ մասին Եվրոպական ժողովրդական կուսակցության (ԵԺԿ) նախագահ Մանֆրեդ Վեբերն ասել է ՀՀ վարչապետ Նիկոլ Փաշինյանի հետ հանդիպման ժամանակ:
«Մեզ համար մեծ պատիվ է այստեղ գտնվել, գնահատում ենք ձեր ներդրումը Հայաստան-ԵՄ հարաբերությունների զարգացման գործում»,- ասել է Մանֆրեդ Վեբերը, հայտնում է Արմենպրեսը:
Փաշինյանը, իր հերթին կարևորելով ԵԺԿ առաքելության դերակատարությունը, նշել է, որ կողմերը, ըստ էության, իրականացնում են նույն աշխատանքը։
«Դրա կարիքն ունի Հայաստանը»,- ասել է Փաշինյանը։
Վարչապետ Նիկոլ Փաշինյանը Փարիզից ժամանել է Ստրասբուրգ, որտեղ ելույթ է ունեցել Եվրոպական խորհրդարանում: