Հաղորդավարներ՝ Տիգրան Հարությունյան և Լուսինե Մուրադյան։ Հյուր՝ Արարատ Եղիկյան, ֆիզիկական գիտությունների դոկտոր, Բյուրականի աստղադիտարանի աստղաքիմիա, աստղակենսաբանություն և արտարեգակնային մոլորակներ բաժնի վարիչ, առաջատար գիտաշխատող։
Թեման. Այսօր Երկրի և Արեգակի օրն է (Sun–Earth Day)։ Այն գիտակրթական օր է, որը նվիրված է Երկրի և Արեգակի փոխկապակցվածությանը, ինչպես նաև ազդեցությանը, որը Արեգակն ունի մեր մոլորակի վրա։
Գիտական ու կրթական նախաձեռնությունների միջոցով այս օրը մարդկանց հիշեցնում են, որ Արեգակը մեր մոլորակի կյանքի հիմնական աղբյուրն է․
- ապահովում է լույս և ջերմություն,
- ձևավորում է կլիման,
- ազդում մարդու առողջության և կենսառիթմերի վրա։
Օրվա հիմնական գաղափարներն են՝ հասկանալ Արեգակի դերը Երկրի կյանքում, խոսել տիեզերքի և աստղագիտության մասին, ուշադրություն դարձնել բնության պահպանությանը։
Ինչպես միշտ՝ կունենանք նաև օրվա տեղեկատվական բլոկը․
- Օրվա լրահոս,
- Եղանակի կանխատեսում,
- Քաղաքի խցանումների վիճակ,
- Տարադրամի փոխարժեքներ,
- Զվարթնոց օդանավակայանի թռիչքների ժամանակացույց,
- Լավագույն երաժշտական ընտրանի,
- Եվ, իհարկե, անմիջական կապ ռադիոլսողների հետ։