Հոկտեմբերի 17-21-ը Ֆրանսիայի Փարիզ քաղաքի Paris Nord Villepinte Exhibition Centre ցուցահանդեսային համալիրում կկայանա SIAL Paris միջազգային սննդի արդյունաբերության ցուցահանդեսը։ Այս մասին տեղեկացնում են ՀՀ էկոնոմիկայի նախարարությունից:
«Այս տարի Հայաստանը ցուցահանդեսին կմասնակցի ազգային տաղավարով՝ արդեն երկրորդ անգամ։ Հայաստանի ներկայացվածությունը կապահովի երկու առանձին մասնագիտացված սրահներում՝ սննդամթերք և ալկոհոլային ու ոչ ալկոհոլային խմիչքներ։
SIAL Paris-ը սննդի արդյունաբերության ոլորտի աշխարհի խոշորագույն և հեղինակավոր մասնագիտական հարթակներից մեկն է։
Մասնակցության պայմաններին կարելի է ծանոթանալ հետևյալ հղումով (https://mineconomy.am/media/37060/287-L_signed.pdf):
Հավելենք, որ բացի մասնակցության պայմաններում նշված պարտավորություններից, ճանապարհածախսը և կեցության ծախսերը կատարվում են մասնակիցների կողմից։