Ամերիկացի երգչուհի Թեյլոր Սվիֆթը վերջին ամիսներին հարստացել է 400 միլիոն դոլարով։ Forbes ամսագրի վերջին տվյալների համաձայն՝ նրա կարողությունը հասել է 2 միլիարդ դոլարի։
Երգչուհին Forbes-ի «Աշխարհի հայտնի միլիարդատերերի» ցուցակում զբաղեցնում է յոթերորդ տեղը։ Ցուցակում ներկայացված են այն հայտնիները, ովքեր միլիարդավոր դոլարների կարողություն են ձեռք բերել իրենց կարիերայի, այլ ոչ թե ժառանգության շնորհիվ։
Սվիֆթի հարստության հիմնական աղբյուրը նրա երաժշտական կատալոգն է, որը հրատարակությունը գնահատում է մոտավորապես 900 միլիոն դոլար և մոտ 100 միլիոն դոլար արժողությամբ անշարժ գույք։ Դրան նպաստել է նաև նրա ռեկորդային The Eras շրջագայությունը, որն ավարտվել է 2024 թվականի վերջին և դարձել երաժշտության պատմության մեջ ամենաբարձր եկամուտ ունեցող շրջագայությունը։