1lurer. Մերձավոր Արևելքում պատերազմի ձգձգումը չի բխում Եվրոպայի շահերից. Բեռլինը ցանկանում է կանխել Իրանից անվերահսկելի միգրացիոն հոսքերը և սիրիական սցենարի կրկնությունը՝ հայտարարել է Գերմանիայի կանցլերը ասուլիսի ժամանակ:
«Ռազմական գործողությունների ընդլայնման դեպքում մենք տեսնում ենք աճող ռիսկեր, դրանք վերաբերում են Իսրայելի և Պարսից ծոցի ողջ տարածաշրջանի անվտանգությանը։ Բայց դրանք վերաբերում են նաև Իրանի պետականությանը և տարածքային ամբողջականությանը»,- նշել է Ֆրիդրիխ Մերցը։
Նրա խոսքով՝ Բեռլինն աշխատում է եվրոպական դաշնակիցների, այդ թվում՝ Ֆրանսիայի և Մեծ Բրիտանիայի, ինչպես նաև տարածաշրջանի գործընկերների հետ՝ ռազմական գործողությունների դադարեցման ուղղությամբ:
Միևնույն ժամանակ կանցլերը հաստատել է, որ կիսում է ԱՄՆ-ի և Իսրայելի նպատակները Իրանի միջուկային և հրթիռային ծրագրերի, ինչպես նաև տարածաշրջանում պրոքսի ուժերին աջակցելու վերաբերյալ: