Իրանում քրդական ընդդիմադիր ուժերն Իրանի դեմ ցամաքային գործողություն են նախապատրաստում Միացյալ Նահանգների ու Իսրայելի աջակցությամբ։ Այդ մասին CNN հեռուստաընկերությունը հաղորդել է ծրագրին տեղյակ աղբյուրներից մեկը։
Քուրդ պաշտոնյան CNN-ին ասել է, որ ուժերը գործողությանն անցնելու են «մոտ օրերին»։ Նույն հաղորդագրության համաձայն՝ ԿՀՎ-ն զինում է քուրդ մարտիկներին Իրանում ժողովրդական ապստամբություն բռնկելու նպատակով։
Եթե այս տեղեկությունները հաստատվեն, դա կնշանակի, որ «Epic Fury» օդային արշավին ավելանում է նաև ցամաքային ճակատ՝ Իրանի հյուսիս-արևմտյան սահմանի ուղղությամբ։