Քուվեյթի պաշտպանության նախարարության պաշտոնական ներկայացուցիչը հայտարարել է, որ այսօր առավոտյան կործանվել են ամերիկյան մի քանի ռազմական ինքնաթիռներ՝ ընդգծելով, որ դրանց բոլոր անձնակազմերը փրկվել են։ Այս մասին նշվում է Քուվեյթի զինված ուժերի հաղորդագրությունում։
Հաղորդագրությունը հրապարակվել է այն բանից հետո, երբ տարբեր ԶԼՄ-ներ տարածել էին տեսանյութ, որտեղ երևում է, թե ինչպես է Քուվեյթի տարածքում կործանվում ամերիկյան կործանիչը, իսկ օդաչուներին հաջողվում է կատապուլտացվել ինքնաթիռից։
Նշվում է, որ կործանված ինքնաթիռների օդաչուները հոսպիտալացվել են, և նրանց վիճակը կայուն է։ Քուվեյթը ԱՄՆ-ի հետ համատեղ իրականացնում է հետաքննություն՝ աղետի պատճառները պարզելու համար։
Ավելի վաղ իրանական պետական գործակալությունները գրել էին ամերիկյան կործանիչի մասին, որը, ըստ նրանց, խոցվել էր Իրանի օդային տարածքը խախտելու փորձի ժամանակ։