Tert.am-ը գրում է․
Ուկրաինայում պատերազմը դադարեցնելու համաձայնագիր չի լինի, քանի դեռ ուկրաինացիները չեն համոզվել խաղաղության մեջ, այս մասին հայտարարել է ԱՄՆ նախագահի հատուկ դեսպանորդ Սթիվ Ուիթքոֆը։
«Համաձայնագիր չի լինի, քանի դեռ Ուկրաինան և նրա ժողովուրդը չեն հավատում, որ կարող են խաղաղ ապրել, եթե գտնվի դիվանագիտական լուծում։ Սա պետք է լինի վերջնական արդյունքը, որ խաղաղությունը կհաստատվի», – ասել է Ուիթքոֆը։
Նա հավելել է, որ դրա համար անհրաժեշտ կլինեն Միացյալ Նահանգների կողմից անվտանգության ամուր երաշխիքներ, «որոնք աջակցություն կգտնեն Եվրոպայի կողմից անվտանգության ամուր երաշխիքներով»։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: