26 փետրվարի 2026 – 12:26 AMT
PanARMENIAN.Net – Հյուսիս-հարավ ճանապարհի Քաջարան–Ագարակ 32 կմ հատվածում երկրորդ թունելն արդեն փորվել է։ Այդ մասին ֆեյսբուքյան եթերում ասել է ՏԿԵ նախարար Դավիթ Խուդաթյանը:
«Հայաստանի ամենամեծ շինհրապարակում՝ Հյուսիս֊հարավ ճանապարհի Քաջարան֊Ագարակ 32 կմ հատվածում 2֊րդ փորված թունելն ունենք»,-նշել է նա:
Ավելի վաղ հայտարարվել էր, որ Քաջարան-Ագարակ 32 կմ երկարությամբ նոր հատվածը կես ժամով կկրճատի Իրանի սահմանից դեպի Կապան ճանապարհի տևողությունը, իսկ Երևանից Գյումրի գնալու ժամանակը կդառնա մինչև մոտ մեկ ժամ (այժմ՝ 1․5 – 2 ժամ):
Քաջարան-Ագարակ 32 կմ ճանապարհահատվածում նախատեսվում է կառուցել 17 կամուրջ‚ 2 թունել (ընդհանուր շուրջ 900մ երկարությամբ)‚ 5 տրանսպորտային հանգույց։
Հյուսիս-Հարավ ռազմավարական ճանապարհի կառուցումը մեկնարկել է 2012–ին , սակայն դեռ ավարտին չի հասցվել։ Եթե Հյուսիս-Հարավ մայրուղին վերջապես երկրի հյուսիսը նոր ճանապարհով կապի հարավին, գործող 550 կմ երկարությամբ ճանապարհը կկրճատվի մի քանի ժամով։ Կնվազի նաև բեռնափոխադրումների գինը։