Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ուկրաինայի նախագահ Վլադիմիր Զելենսկին հայտարարել է, որ հեռախոսազրույց է ունեցել ԱՄՆ նախագահ Դոնալդ Թրամփի հետ, որին մասնակցել են նաև ամերիկացի առաջնորդի հատուկ բանագնացդներ Սթիվ Ուիթքոֆը և Ջարեդ Քուշները։
Հինգշաբթի Ուիթքոֆը և Քուշները Ժնևում կհանդիպեն ուկրաինական պատվիրակության ղեկավար Ռուստեմ Ումերովի հետ։
«Մեր թիմերը հիմա եռանդուն աշխատում են, և ես շնորհակալություն եմ հայտնել նրանց բոլոր ջանքերի և բանակցություններին ու պատերազմին վերջ դնելու նվիրվածության համար։ Մենք նաև շատ բարձր ենք գնահատում PURL ծրագիրը։ Այս ձմեռն ամենադժվարն է Ուկրաինայի համար, սակայն հակաօդային պաշտպանության հրթիռները, որոնք կարող ենք ձեռք բերել ԱՄՆ-ից, շատ են օգնում հաղթահարելու այս բոլոր մարտահրավերները և կյանքերը պաշտպանելու համար»,- գրել է նա թելեգրամյան ալիքում։
«Մենք քննարկել ենք այն հարցերը, որոնց վրա մեր ներկայացուցիչները կաշխատեն վաղը Ժնևում երկկողմ հանդիպման ժամանակ, ինչպես նաև մարտի սկզբին եռակողմ ձևաչափով բանակցային թիմերի հաջորդ հանդիպման նախապատրաստական աշխատանքները։ Մենք հույս ունենք, որ դա հնարավորություն կտա անցնել ղեկավարության մակարդակով բանակցություններին։ Նախագահ Թրամփն աջակցում է քայլերի այս հաջորդականությանը։ Դա բոլոր բարդ և զգայուն հարցերը լուծելու և վերջապես պատերազմը դադարեցնելու միակ միջոցն է։ Շնորհակալություն»,- հավելել է Զելենսկին։
Հետևեք մեզ՝ այստեղ