Էկոնոմիկայի նախարար Գևորգ Պապոյանի խոսքով՝ ադրբեջանական բենզինը շատ արագ սպառվում է. «Որքան շատ ենք բերում, այնքան արագ է սպառվում: Երբ այն վերջանում է, բենզինի մյուս տեսակների գները թանկանում են»։
Նրա խոսքով՝ մինչ այդ ապրանքը Հայաստան բերելը ռեգուլյար բենզինը եղել է 500–520 դրամ․
«Ադրբեջանը մեզ տրամադրել է բազմաթիվ ապրանքների ցանկ Հայաստանի համար, մենք էլ նրանց տրամադրել ենք մեր ապրանքները: Սակայն դեռևս առկա չեն մրցակցային լուրջ առավելություններ․ առևտուրն այս պահին դեռ ձևավորվում է: Ես վստահ եմ, որ երկկողմ առևտրի հարյուրավոր միլիոն դոլարների պոտենցիալ կա, բայց դրա համար ժամանակ է անհրաժեշտ»,-նշեց նա։