Վաշինգտոնը դեռևս Թեհրանից խոստում չի ստացել երբեք միջուկային զենք չմշակելու մասին, հայտարարել է ԱՄՆ նախագահ Դոնալդ Թրամփը։
«Նրանք ցանկանում են համաձայնագիր, բայց մենք Իրանից չենք լսել այդ կախարդական բառը, որ նրանք երբեք միջուկային զենք չեն ունենա», – ասել է նա Կոնգրեսին ուղղված իր ուղերձում։
Ամերիկացի առաջնորդը հավելել է, որ ինքը կցանկանար դիվանագիտական համաձայնագիր Իրանի հետ։
Միևնույն ժամանակ, Սպիտակ տան ղեկավարի խոսքով, Թեհրանն արդեն մշակել է Եվրոպա հասնելու ունակ հրթիռներ և, իբր, աշխատում է այնպիսի հրթիռների վրա, որոնք կարող են հասնել Միացյալ Նահանգներ։