Սերբիայի իրավապահ մարմինները ձերբակալել են երկու անձի, որոնք կասկածվում են Սերբիայի նախագահ Ալեքսանդր Վուչիչի դեմ մահափորձ կազմակերպելու մեջ։
Այս մասին հայտարարել է Ներքին գործերի նախարարության մամուլի ծառայությունը։
«Ներքին գործերի նախարարության աշխատակիցները ձերբակալել են Դ.Ռ.-ին (ծնված 1975թ.) և Մ.Ռ.-ին (ծնված 1983թ.): Նրանք կասկածվում են Սերբիայի Հանրապետության սահմանադրական կարգը բռնի կերպով փոխելու և բարձրագույն պետական մարմինները տապալելու դավադրության մեջ՝ զենք գնելով և Սերբիայի Հանրապետության նախագահի, նրա կնոջ, երեխաների, ինչպես նաև Ներքին գործերի նախարարության աշխատակիցների դեմ մահափորձ կատարելու մեջ», – ասվում է հայտարարության մեջ։
Կասկածյալները կալանավորվել են, իսկ քրեական գործը կփոխանցվի Կրալևոյի Գերագույն դատախազություն։