Կրալևո քաղաքի Բարձրագույն դատարանը 30 օրով կալանավորել է երկու տղամարդու, ովքեր ձերբակալվել են Սերբիայի նախագահ Ալեքսանդր Վուչիչի և նրա ընտանիքի դեմ մահափորձի միջոցով իշխանությունը բռնի ուժով փոխելու ծրագրման կասկածանքով, հայտնում է ՌԻԱ նովոստի-ն։
«Կրալևոյի Բարձրագույն դատարանը 30-օրյա կալանք է սահմանել 50-ամյա Դ.Ռ.-ի և 42-ամյա Մ.Ռ.-ի նկատմամբ, ովքեր կասկածվում են Սերբիայի նախագահի և նրա ընտանիքի անդամների սպանությունը ծրագրելու մեջ»,- հայտնել է գործակալությունը։
Կասկածյալների մոտ զենքի, տրանսպորտային միջոցների կամ սարքավորումների հայտնաբերման մասին չի հաղորդվել. գործը վարում է Կրալևոյի Բարձրագույն դատախազությունը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: