Իրանի արևմուտքում գտնվող Համադան նահանգում ռազմական ուղղաթիռ է կործանվել. ՎԻԴԵՈ
ԵՐԵՎԱՆ, 24 փետրվարի․/Նովոստի-Արմենիա/․ Իրանի արևմուտքում գտնվող Համադան նահանգում ռազմական ուղղաթիռ է կործանվել։ Այս մասին հայտնում է aif.ru-ն՝ հղում անելով իրանական Fars գործակալությունը։
Պարբերականը, հղում անելով Իրանի բանակի ռազմաօդային ուժերից ստացված տեղեկատվությանը, նշում է, որ միջադեպը տեղի է ունեցել ուսումնամարզական թռիչքի ժամանակ։ Ուղղաթիռի կործանման հետևանքով զոհվել է օդաչուներից մեկը։
«Հինգշաբթի երեկոյան կործանվել է ուսումնական ռազմական ուղղաթիռ։ Դեպքի վայր են մեկնել փրկարարական ծառայությունները»,- ասված է հաղորդագրության մեջ։
Tasnim-ն էլ հայտնում է, որ պաշտոնական հաղորդագրությունների համաձայն, զոհերի թվում են օդաչուն և երկրորդ օդաչուն, ինչպես նաև դեպքի վայրում գտնվող շուկայի աշխատակիցներ։
Այլ մանրամասներ այս պահին չեն հաղորդվում։
