38-ամյա Ռոբ Ջեթենը դարձել է Նիդերլանդների պատմության ամենաերիտասարդ և առաջին բացահայտ միասեռական վարչապետը։
Հոկտեմբերին կայացած խորհրդարանական ընտրություններում նրա ղեկավարած «Դեմոկրատներ 66» (D66) կուսակցությունը նվազագույն առավելությամբ հաղթել էր հակաիսլամական դիրքորոշումներով հայտնի քաղաքական գործիչ Գերտ Վիլդերսին։
Ջեթենը ձևավորել է կենտրոնամետ աջակողմյան փոքրամասնության կառավարություն՝ կոալիցիա կազմելով Ժողովրդական կուսակցության՝ Ազատության և ժողովրդավարության համար (VVD) և Քրիստոնեա-դեմոկրատական դաշինքի (CDA) հետ։
Նա վարչապետի պաշտոնում փոխարինում է Դիկ Սքուֆինին։ Պաշտոնական երդմնակալության արարողությունը տեղի է ունեցել երկուշաբթի օրը Հաագայում՝ Հյաուս տեն Բոս պալատում, որտեղ նրան երդմնակալել է Նիդերլանդների թագավոր Վիլեմ-Ալեքսանդրը։
Երդմնակալությունից առաջ հրապարակած գրառման մեջ Ջեթենը նշել է, որ նոր կառավարությունը ստանձնում է պատասխանատվություն՝ աշխատելու երկրի բոլոր քաղաքացիների համար՝ շեշտադրելով համագործակցության և համատեղ աշխատանքի կարևորությունը։