ԱՄՆ նախագահ դոնալդ Թրամփը հայտարարել է, որ ԱՄՆ-ը մեծ լողացող հոսպիտալ է ուղարկում Գրենլանդիա։ Թրամփի՝ Truth Social հարթակում արված հրապարակման համաձայն՝ նպատակը տեղացիներին օգնություն ցուցաբերելն է, որոնք, ըստ նրա, բավարար բժշկական ծառայություններ չեն ստանում։ Մինչ այժմ անհայտ է՝ արդյոք այս քայլը համաձայնեցված է Դանիայի կառավարության կամ Գրենլանդիայի ղեկավարության հետ։
ԱՄՆ ռազմածովային նավատորմը ունի երկու հոսպիտալ-նավ՝ յուրաքանչյուրն 1000 մահճակալով։ Նախկինում դրանք օգտագործվել են հզոր երկրաշարժերից կամ ավերիչ փոթորիկներից հետո, իսկ կորոնավիրուսի համավարակի ժամանակ ընդունել են հիվանդների ԱՄՆ նավահանգիստներում։ Սակայն դրանք նախատեսված չեն սովորական բժշկական սպասարկման համար։ Վերջին շրջանում Գրենլանդիայում որևէ խոշոր արտակարգ իրավիճակի մասին տեղեկություններ չեն հաղորդվել, որը կպահանջեր նման հոսպիտալի ուղարկում։