Հունգարիան դադարեցրել է դիզելային վառելիքի մատակարարումը Ուկրաինային այն բանից հետո, երբ երկիրը արգելափակել է Ռուսաստանից «Դրուժբա» խողովակաշարով նավթի տարանցումը: Այս մասին հայտարարել է Հունգարիայի արտաքին գործերի նախարար Պետեր Սիյարտոն:
«Դիզելային վառելիքի մատակարարումը Ուկրաինա չի վերսկսվի, քանի դեռ ուկրաինացիները չեն վերսկսի նավթի մատակարարումը «Դրուժբա» խողովակաշարով դեպի Հունգարիա», – ասել է դիվանագետը:
Փետրվարի 18-ին Եվրոպական հանձնաժողովի (ԵՀ) խոսնակ Աննա-Կայսա Իտկոնենը լրագրողներին հայտնել է, որ մարմինը պահանջել է Ուկրաինայից վերականգնել վնասված «Դրուժբա» խողովակաշարը: Նա հայտարարել է, որ ԵՀ-ը պատրաստ է արտակարգ խումբ հրավիրել շահագրգիռ կողմերի մասնակցությամբ՝ նավթի մատակարարման այլընտրանքային ուղիները քննարկելու համար: Միևնույն ժամանակ, Իտկոնենը ընդգծել է, որ Սլովակիայի և Հունգարիայի էներգետիկ անվտանգության համար կարճաժամկետ ռիսկեր չկան, քանի որ նրանց առկա վառելիքի պաշարները պետք է բավարար լինեն 90 օրվա համար:
Փետրվարի 13-ին Սիյարտոն հայտարարել է, որ Ուկրաինան արգելափակել է «Դրուժբա» խողովակաշարով ռուսական նավթի մատակարարումը Հունգարիա: Նա նշել է, որ Կիևը այս քայլին է դիմել՝ Բուդապեշտի համար խորհրդարանական ընտրություններից առաջ դժվարություններ ստեղծելու նպատակով: