Մոսկվայում ձյան պատճառով երեխա է մահացել։ Նմանատիպ միջադեպ է տեղի ունեցել նաև Նոր Մոսկվայում, որի հետևանքով տղամարդ է զոհվել։ Այս մասին հայտնել է «112» Telegram ալիքը։
Անչափահասը մահացել է Շչելկովսկոյե մայրուղու մոտ։
«Ձյան բլոկն ընկել է երեխայի վրա։ Բժիշկները չեն կարողացել անցնել և զննել նրան ձյան պատճառով։ Երբ նրանք հասել են նրան, երեխան մահացել է»,-հաղորդել է առցանց հրատարակությունը։
Այս միջադեպի վերաբերյալ դեռևս պաշտոնական տեղեկատվություն չկա։
Նոր Մոսկվայի Բեկասովոյում՝ առանձնատան տարածքում, տղամարդուն մահվան է հասցրել տանիքից ընկած ձյունը։ Արտակարգ ծառայությունները ժամանելուն պես արձանագրել են տուժածի մահը, պարզաբանել է Մոսկվայի քաղաքացիական պաշտպանության, արտակարգ իրավիճակների և հրդեհային անվտանգության դեպարտամենտը: