Լոռիում անցկացված հարցման ընթացքում բնակիչները դժգոհություն են հայտնել գործող իշխանությունների վարած քաղաքականությունից։ Շատերը կասկածի տակ են դնում կառավարության այն պնդումները, թե ձեռք է բերվել աննախադեպ քանակի սպառազինություն։ Նրանք հիշեցնում են պատերազմի ելքը և մարդկային մեծ կորուստները։ «Չենք հավատում, որ այդքան զենք են գնել: Եթե բանակը պատշաճ զինված լիներ, մենք այսօր այս աղետալի վիճակում չէինք հայտնվի և այդքան զոհեր չէինք ունենա»,- ասել է բնակիչներից մեկը: Հարցվածների դիտարկմամբ՝ իշխանությունները փորձում են քողարկել համակարգային ձախողումները տեսանելի, բայց երկրորդական աշխատանքներով, ինչպիսիք են մայթերի նորոգումը կամ ասֆալտապատումը։ «Ասֆալտապատումը չի կարող փոխհատուցել հայրենիքի կորուստն ու անվտանգային բացերը»,-ասել է հարցման մասնակիցներից մեկը: Մեկ այլ բնակիչ էլ նշել է․ «Այսօրվա իշխանությունը միայն սեփական աթոռն է պահում»: Մանրամասները՝ տեսանյութում: