Վերջերս ԱՄՆ-ը գաղտնի Իրան է ուղարկել մոտ 6000 Starlink սարք՝ օգնելու ցուցարարներին շրջանցել ինտերնետի անջատումները:
Wall Street Journal-ը գրում է, որ սա տեղի է ունեցել անցած ամիս Իրանում ռեժիմի դեմ սկսված մեծ բողոքի ակցիաների ժամանակ:
ԱՄՆ պաշտոնյաները թերթին հայտնել են, որ Պետդեպարտամենտը բողոքի ցույցերին նախորդող ամիսներին մոտ 7000 արբանյակային տերմինալ է գնել՝ ռեժիմի հակառակորդներին ինտերնետային սահմանափակումները շրջանցելու հարցում օգնելու համար։
Հաղորդվում է, որ նախագահ Թրամփը տեղյակ է եղել այս առաքումների մասին, բայց հայտնի չէ՝ արդյոք ինքն է անձամբ հաստատել դա: Սա առաջին անգամն է, որ ԱՄՆ-ն Իրան է ուղարկել Starlink սարքեր: