Սիբիրում արդեն մի քանի օր է, ինչ անսովոր տաք եղանակ է։ Ջերմաստիճանը նորմայից բարձր է 12-15 աստիճանով, հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։
«Փետրվարի 11-ին տասնյակ օդերևութաբանական կայաններում ջերմաստիճանի ռեկորդներ են սահմանվել։ Կրասնոյարսկում առավելագույն ջերմաստիճանը հասել է 6.4°C-ի, ինչը գերազանցել է տվյալ օրվա համար մինչ այդ գործող ռեկորդը, որը սահմանվել էր դեռևս 1946 թվականին»,- գրել է նա։