Ավարտվեց ԱՄՆ փոխնախագահ Ջեյ Դի Վենսի այցը Հայաստան։ Օդանավակայանում՝ լրագրողների հետ ճեպազրույցում, փոխնախագահն այն շատ արդյունավետ որակեց։
Ասաց՝ երաշխավորելով Հայաստանի և Ադրբեջանի միջև տնտեսական անկախությունը՝ հնարավորություն են ստեղծում, որ խաղաղության համաձայնությունը պահպանվի։ Նաև Հայաստանի ու ԱՄՆ-ի ղեկավարների կնքած համաձայնությունների շնորհիվ բազմաթիվ ներդրումներ կգան Հայաստան։
Ազգային ժողովի նախագահ Ալեն Սիմոնյանը՝ որպես այս այցի գլխավոր ձեռքբերումներից մեկը առանձնացնում է անվտանգության համակարգի բարձրացումը։
Հայաստանը մուտք է գործել պատմական նոր փուլ։ Ամերիկայի Միացյալ Նահանգների փոխնախագահի այցը Երևան աննախադեպ է մեր երկրի նորագույն պատմության մեջ. Radar Armenia-ի հետ զրույցում ասաց Քաղաքացիական պայմանագիր խմբակցության պատգամավոր Լուսինե Բադալյանը։
«Այդ այցի ընթացքում արված հայտարարությունները պատմական են Հայաստանի Հանրապետության կյանքում, և թե՛ էն բոլոր մտահղացումները, համագործակցության նոր հնարավորությունները, և թե՛ արդեն եղած՝ ստորագրված հուշագրերը, պայմանագրերը, պայմանավորվածությունները, էդ ամենը Հայաստանի Հանրապետության առջև բացելու է շատ մեծ հորիզոններ»,- ասել է նա։