Ռուսաստանի նախագահի մամուլի քարտուղար Դմիտրի Պեսկովը հաստատել է Մոսկվայի և Փարիզի միջև շփումները։
Պեսկովը հայտնել է, որ Մոսկվան և Փարիզը աշխատանքային մակարդակի որոշ շփումներ են ունեցել, սակայն դրանք դեռևս էական չեն։ Նա նաև պարզաբանել է, որ երկու առաջնորդների միջև շփումների վերաբերյալ որևէ կոնկրետ ծրագիր չկա։
«Իսկապես, շփումներ տեղի են ունեցել, մենք կարող ենք հաստատել դա, ինչը, ցանկության և անհրաժեշտության դեպքում, կօգնի արագորեն հաստատել երկխոսությունը ամենաբարձր մակարդակով», – լրագրողներին ասել է Պեսկովը։
Ֆրանսիայի նախագահ Էմանուել Մակրոնը ավելի վաղ հայտարարել էր, որ Ռուսաստանի հետ տեխնիկական քննարկումներ են ընթանում շփումներ նախապատրաստելու համար։